2018 жылдың 17 сәуірінде № 42 орта мектепте жалпы білім беретін мектептердің 5-11-сынып оқушылары арасындағы республикалық Абай мен Мағжан оқулары байқауларының қалалық кезеңі өтті. Ереже бойынша үш бағытта балалар ақын өлеңдерін жатқа айтып, Абайдың әндерін орындады және жас зерттеушілер Мағжан Жұмабаевтың өмірі мен мұрасына арналған ғылыми жобаларын қорғады. №5 орта мектептен 6 «А» сынып оқушылары Лукина Ксения, Сыздыкова Айдана және Ташланова София қатысып, жеңімпаздар мен жүлдегерлердің арасынан көріне алды.
«Толқынмен толқын сырласып..» М.Жұмабаевтың шығармалары бойынша зерттеу жұмыстары бағытында Сыздықова Айдана 3-орынға ие болса, Абай әндерін орындауда «Көңілім әнді ұғады» номинациясы бойынша Ташланова София да 3 дәрежелі грамотамен марапатталды. Осы оқушыларымызды жүлделі орындарымен құттықтаймыз, алдағы уақытта бұдан да үлкен нәтижелерге жетулеріне тілектеспіз.
