Ағымдағы жылдың 23 қаңтарында 9-сынып оқушыларының ата-аналары үшін жиналысы өтті. Бұл шарада Солтүстік Қазақстан жоғары медициналық колледжі мен Солтүстік Қазақстан кәсіптік педагогикалық колледжінің кәсіптік бағдар берушілері сөз сөйледі. Оқу орындарының өкілдері ата-аналарды қазіргі мамандықтармен, оқуға түсу шарттарымен таныстырып, оқу төлемі туралы ақпарат берді.
Студенттерге көмек көрсету үшін оқу орындарында кітапханалар, оқу залдары, мәжіліс залдары бар. Кітапханалардың кітап қорлары қазақ және орыс тілдеріндегі әдебиеттермен толық қамтамасыз етілген. 2019 жылдан бастап әрбір білім беру мекемесінде «SOVA» оқу үрдісін басқарудың ақпараттық жүйесі енгізілді.
